Photo Gallery Contact Us
About Us   Activities   Partners   News & Event   Supporters   Testimonials   Facts&Reports
Facts & Report Annual Report Outreach Data Evaluation Report  
 
Fair Practice Code
FAIR PRACTICE CODE FOR NBFC-MFI AS PER RBI CIRCULAR / அடிப்படை மதிப்பீடுகள், நடத்தை விதிகள் மற்றும் கடன் செயல்முறைகள் விளக்கம்

விருட்சம் மைக்ரோ பைனான்ஸ் லிமிடெட் - மதுரை

முன்னுரை:
                விருட்சம் மைக்ரோபைனான்ஸ் நிறுவனமானது 2008 ஆம் ஆண்டு ஆரம்பிக்கப்பட்டு ஏழை மக்கள் பொருளாதார மேம்பாட்டிற்காக தொழில் புரிவதற்கு தேவையான நிதியுதவியை கடனாக வழங்குவதற்காக செயல்படும் வரையறுக்கப்பட்ட பொது நிறுவனம் ஆகும்.

                 விருட்சம் மைக்ரோபைனான்ஸ் நிறுவனமானது குறைந்த குடும்ப வருமானம் உடையவர்களுக்கு நிதி சேவைகள் வழங்குவதன் மூலமாக அவர்களுடைய நிதி நிலையை மேம்படுத்தல் மற்றும் சமூக நலன்களை உருவாக்கவும் முயற்சி செய்கிறது. எங்கள் நிறுவனம் தங்களுடைய வாடிக்கையாளர்களோடு இணைந்து செயல்படும் பொழுது அவர்களுக்கு அடிப்படை மதிப்பீடுகளையும் நியாயமான நடைமுறைகளையும் விளக்குவது மிக முக்கியம். ஏனெனில் வாடிக்கையாளர்களுக்கு மதிப்பளித்து அவர்கள் பயன்பெறும் வகையில் சேவை வழங்;கப்படுவதை உறுதிபடுத்த வேண்டும். இந்த ஆவணத்தில் குறுநிதிக்கான அடிப்படை மதிப்பீடுகள் (பகுதி – I) குறுநிதி நிறுவனங்கள் கடைபிடிப்பதற்கான நடத்தை விதிகள் (பகுதி – II) மற்றும் கடன் செயல்முறைகள் விளக்கம் (பகுதி - III) போன்றவற்றை விளக்கப்பட்டுள்ளன. நாங்கள் (விருட்சம் மைக்ரோபைனான்ஸ் லிமிடெட்) கீழ்க்கண்ட அடிப்படை மதிப்பீடுகளையும் நடத்தை விதிகளையும் பின்பற்ற ஒப்புதல் அளிக்கின்றோம்.

கம்பெனியின் நோக்கம்:
             மக்களின் சமூக பொருளாதார தற்சார்பு நிலையை மேம்படுத்தும் சிறந்த நிதி சேவை வழ்ங்கும் கருவியாக செயல்படுதல்.

கம்பெனியின் குறிக்கோள்:
                 விருட்சம் மைக்ரோபைனான்ஸ் நிறுவனம் மக்களின் சமூக மற்றும் பொருளாதார நிலைகளை மேம்படுத்துவதற்கு பொருத்தமான நிதி மற்றும் பிற ஆதரவு சேவைகளை இந்தியாவிலும் வெளிநாடுகளிலும் வழங்குதல்<.br/>
பகுதி – I
குறுநிதியின் அடிப்படை மதிப்பீடுகள் ஒருங்கிணைந்த தன்மை:
                  விருட்சம் மைக்ரோபைனான்ஸ் நிறுவனம் தனது சேவையை குறைவான வருமானம் உடைய வாடிக்கையாளர்களான பெண்கள், ஆண்கள் மற்றும் குடும்பத்தினருக்கு நிதி சேவைகள் கிடைத்திட வழிவகை செய்து வாடிக்கையாளர்களை மையப்படுத்தி அவர்களின் நலனிற்காக ஒழுங்கு நெறியோடு, கண்ணியமான, ஒளிவு மறைவற்ற தன்மையோடு பாரபட்சமில்லாமல் வழங்கிடும்.

தரமான சேவை:
                 விருட்சம் மைக்ரோபைனான்ஸ் நிறுவனம் வாடிக்கையாளர்களுக்கு தரமான சேவையை அர்ப்பணிப்புடன், அவர்களின் தேவைகளை அறிந்து அவர்களுக்குத் தேவைப்படும் காலத்தில் வழங்கப்படுவதை உறுதிபடுத்தும். இப்பணிகளை ஏழைகளுக்கு ஆற்றும் பொழுது மேம்பட்ட தொழில் முறை அம்சங்களான நேர்மை, சமத்துவம் மற்றும் அர்ப்பணிப்பு ஆகியவற்றை உள்ளடக்கியதாக இருத்தல் வேண்டும் என்பதை உறுதிப்படுத்தும்.

ஒளிவு மறைவற்ற தன்மை:
                 விருட்சம் மைக்ரோபைனான்ஸ் நிறுவனம் வாடிக்கையாளர்களுக்கு முழுமையான, சரியான தகவல்களை அளித்திடும்;. அவர்களுக்கு நாங்கள் வழங்குகின்ற நிதி சேவைகளுக்கான வட்டி விகிதங்கள், இதர கட்டணங்கள், கொள்கைகள் மற்றும் நடைமுறைகளை அவர்கள் புரிந்து கொள்கின்ற விகிதத்தில் நாங்கள் கற்றுத் தருவோம்.

நியாயமான நடைமுறைகள்:
                 வாடிக்கையாளர்களுக்கு நாங்கள் வழங்கும் நிதி சேவையினைப் பற்றிய கல்வியை அளிப்பது எங்களது பொறுப்பாகும். அதன்மூலம் எங்கள் வாடிக்கையாளர்களை மோசடி, தவறான பிரநிதித்துவம், துரோகம் மற்றும் நெறியற்ற நடைமுறைகளிலிருந்து பாதுகாக்கப்படுவதை உறுதிசெய்வோம். குறுநிதி சேவைகளை உள்ளடக்கிய கடன் வழங்கல் மற்றும் வசூலித்தலில் நியாயமான நடைமுறைகளைக் கையாளுவதன் மூலமாக வாடிக்கையாளர்களின் கண்ணியத்திற்கு மதிப்பளித்து அவர்களின் பாதிப்பான சூழ்நிலையும் சீர்தூக்கி, நியாயமான முறையில் கடன் வசூலித்திடுவோம்.

வாடிக்கையாளர் தகவல் பாதுகாப்பு:
                 வாடிக்கையாளர்களைப் பற்றிய தனிப்பட்ட தகவல்கள் எங்களால் பாதுகாக்கப்படும். வாடிக்கையாளர்கள் தொடர்புடைய விபரங்கள் குறிப்பிட்ட நபர்களுக்குத் தேவைப்பட்டால் சம்மந்தப்பட்ட வாடிக்கையாளர்களின் அனுமதியினைப் பெற்ற பின்பே அந்த விபரங்கள் அவர்களுக்கு காண்பிக்கப்படும் மற்றும் தரப்படும்.

பின்னூட்டச் (Feed Back) செயல்முறை :
                 எங்கள் வாடிக்கையாளர்களுக்கு நேரிடையான மற்றும் மறைமுகமான வழிமுறைகளை உருவாக்கித் தருவதன் மூலம் அவர்களிடமிருந்து கருத்துக்கள் மற்றும் பரிந்துரைகளை பெற ஏற்பாடு செய்து எங்கள் சேவைகளின் விளைவுகளை தொடர்மதிப்பீடு செய்வதன்மூலம் நாங்கள் தேர்ச்சி பெற்று வாடிக்கையாளர்களுக்குச் சிறப்பான முறையில் சேவை செய்வோம்.

பகுதி – II
நடத்தை விதிகள்
                 வாடிக்கையாளர்களோடு எங்களுடைய அனைத்து செயல்பாடுகள் மற்றும் தொடர்புகள் மேற்கண்ட அடிப்படை மதிப்பீடுகளோடு இணக்கமாக உள்ளனவா என்பதை உறுதிசெய்து கொள்ள, விருட்சம் மைக்ரோபைனான்ஸ் லிமிடெட் நிறுவனம் கீழ்கண்டவற்றில் விவரிக்கப்பட்டுள்ள நடத்தை விதிகளை ஏற்றுக்கொள்ளவும், அதனைக் கடைபிடிக்கவும் சம்மதம் அளிக்கின்றது.

2.0 விதிகளின் பயன்பாடுகள்:
எங்களால் மேற்கொள்ளப்படும் பின்வரும் நடவடிக்கைகளுக்கு இவ்விதிகள் பொருந்தும்,
                                 தனிநபருக்கோ அல்லது குழுக்களுக்கோ கடன் வழங்குதல்.
                                  கடனுதவி பெற்றவரின் விருப்ப நிலைக்கேற்ப திருப்பி செலுத்துமாறு செய்தல்.
                                  காப்பீடு. ஓய்வூதியம் செலுத்தல், பணம் செலுத்தும் சேவைகள் அல்லது இதர சேவைகளை வழங்கி வாடிக்கையாளரின
                                     சுமையைக் குறைத்தல்.
                                  சமுதாய அமைப்பான கூட்டு பொறுப்பு குழுக்கள் மற்றும் மையங்களை உருவாக்குதல்.

2.1 நாங்கள் இங்கே குறிப்பிட்டுள்ளவற்றிற்கு முழுசம்மதம் தெரிவிக்கின்றோம்.
                             நமது நாட்டின் குறைந்த வருமானம் உடையவர்களையும் நிதி நடவடிக்கையில் பங்கெடுக்க வைத்து குறுநிதி இயக்கத்தை வளர்த்து வலுப்படுத்தல்.
                             வாடிக்கையாளரை மையப்படுத்தி முன்னேற்றமுள்ள, நீடித்த, நிலைத்த, ஒருங்கிணைந்த, நிதி சேவையை அளித்தல்.
                             குறுநிதி நிறுவனங்கள் மற்றும் இதர அமைப்புகளிடையே ஒற்றுமை மற்றும் ஒருங்கிணைப்பை ஏற்படுத்துவதன்
                             மூலமாக சிறப்பான மேலோங்கிய முறைகளில் செயல்பட்டு முறையற்ற போட்டிகளைத் தவிர்த்து
                             வாடிக்கையாளர்களுக்கு சேவை செய்தல்.

2.2 மேற்கூறியவற்றை அடைவதற்கு நாங்கள் கீழ்கண்ட நடைமுறைகளை கடைபிடிக்கின்றோம்.

2.2.1 ஓருங்கிணைப்பு மற்றும் நன்னெறி நடத்தை:
                                  வாடிக்கையாளர்கள் மற்றும் பணியாளர்களை கண்ணியமாக நடத்துவதற்குத் தகுந்த செயல்பாட்டுக் கொள்கைகள்;
                                     மற்றும் இயக்க வழிகாட்டுதல்களை உருவாக்கியுள்ளோம்.
                                  ஒளிவுமறைவற்ற வெளிப்படையான உயர்வான ஆளுகை முறையில் எங்களது பணியாளர்கள் மற்றும்
                                     எங்களுக்காகவும் அல்;லது எங்கள் சார்பாகவும் செயல்படுகின்றவர்களுக்கு
                                     இவ்விதிகளை அறிமுகம் செய்து பயிற்சி அளித்து நடைமுறைப்படுத்துகின்றோம்.
                                  எங்களுடைய வாடிக்கையாளர்களுக்கு நடத்தை விதிகளைப் பற்றியும் மற்றும்
                                     அது செயல்படும் விதத்தினைப் பற்றியும் எடுத்துரைத்திடுவோம்.

2.2.2 ஒளிவு மறைவற்ற தன்மை
                                  நிதி சேவைகள் தொடர்பான அனைத்;து விதிமுறைகள் மற்றும் நிபந்தனைகளை வாடிக்கையாளர்கள் புரிந்து
                                     கொள்ளும் வகையில் வட்டார மொழியில் அவர்களுக்குத் தெரிவித்திடுவோம்.
                                  கடன் வழங்குதலுக்கான ஒப்புதல் கடிதம் அல்லது மற்ற ஆவணங்களில் வட்டி விகிதம்,
                                 வட்டி வசூல் செய்யும் முறை ஏனைய தீர்வை கட்டணங்கள்இ கடன் திருப்பிச் செலுத்துதல் விதம்
                                 போன்றவற்றை வாடிக்கையாளர்களின் ஒப்புகையோடு செயல் படுத்திடுவோம்.
                                  காப்பீடு மற்றும் ஒய்வூதிய சேவைகளுக்காக வசூலிக்கப்படும் தவணைத்தொகை மற்றும்
                                 இதர கட்டணங்களை பற்றிய தகவல்களை வாடிக்கையாளர்களுக்கு தெரிவித்திடுவோம்.
                                  வாடிக்கையாளர்களின் கடன் கணக்கு விபரங்கள் கடன் அடடை வழியாக தெறிவிக்கப்படும்.

2.2.3 வாடிக்கையாளர் பாதுகாப்பு
I. நியாயமான நடைமுறைகள்
                                  விருட்சம் மைக்ரோபைனான்ஸ் நிறுவனம் வாடிக்கையாளரின் கண்ணியம், மரியாதை,
                                    நன்நடத்தை, நம்பிக்கை மற்றும் நற்செயல்களைப் பாதிக்காத
                                     வகையில் கட்டமைக்கப்பட்ட நடைமுறைகளை அர்பணிப்புடன் கடைபிடித்திடும்.
                                  இன மற்றும் மத பாகுபாடு இல்லாமல் குறைந்த வருமானம் உடைய வாடிக்கையாளர்களுக்கும்
                                     குறுநிதி சேவைகள் அளித்திடும்.
                                  உங்கள் வாடிக்கையாளரை அறியும் படிவத்தில் (KYC) பெற வேண்டிய ஆவணங்களைத் தவிர
                                     வேறு எந்த விதமான ஆவணங்களும் வாடிக்கையாளரிடமிருந்து பெறாது.
                                  குறுநிதி வழங்குவதில் எவ்வித கண்ணுக்குத் தெரியும் அசையா சொத்துக்களையும் பிணையாக பெறாது.

II மீளாக்கடனைத் தவிர்த்தல்
                                  சரியான வழிமுறைகளைக் கையாளுவதன் மூலமாக வாடிக்கையாளரின் கடனுக்கான தேவைஇ பெறப்போகும் கடனுதவியை திருப்பிச் செலுத்தும் திறன்; மற்றும் நாம் வழங்கப்போகும் இச்சேவையினால் அவர்களை மீளாக்கடனிற்கு உள்ளாக்கும் ஆபத்தைத் தவிர்த்தல் போன்றவற்றை உறுதிசெய்திடும்.
                                  குறைவான வருவாய் உடைய வாடிக்கையாளர்களுக்கு வழங்கப்பட்ட கடனில்;லாத ஏனைய நிதி சேவைகள் அவர்களுக்கு பொருத்தமானவைதானா மற்றும் அவை தொடர்பான விதிமுறைகளையும் அவர்கள் அறிந்துள்ளார்களா என்பதையும் உறுதி செயதிடுவோம்.

III. முறையான கலந்துரையாடல் மற்றும் கடன் வசூலித்தல் நடைமுறைகள்:
                                  வாடிக்கையாளர்களுடன் கலந்துரையாடும்பொழுது அவர்களின் கண்ணியத்திற்கு குறைவில்லாமல் அவர்கள் ஏற்றுக்கொள்கின்ற மொழி வழக்கில் இருக்குமாறு பார்த்துக்கொள்வோம்.
                                  வாடிக்கையாளர்கள் கடன் தவணையினைக் கட்டத்தவறும்பட்சத்தில் அவர்களுக்கென்று தெளிவாக வரையறுக்கப்பட்ட முறையினை கையாளுவோம்.
                                  கடன் தவணைகளை வசூல் செய்ய வாடிக்கையாளர்களிடம் செல்லும் பொழுது அவர்களிடம் நாகரீகமாகவும்இ மரியாதையாகவும் நடந்துகொள்ளுவோம்.
                                  குடும்பத்தில் திடீர் இழப்பு நேரிட்டபொழுதோ அல்லது ஏதேனும் இயற்கைச் சீற்றத்தால் பாதிப்படைந்த பொழுதோ வாடிக்கையாளரிடம் கடன் தவணை வசூலிக்க தொலைபேசியில் அழைப்பதையோ அல்லது அடிக்கடி அவர்கள் வீடடிற்குச் சென்று பார்வையிடுவதையோ தவிர்ப்போம்.
                                  வாடிக்கையாளர்களிடம் வன்முறை அல்லது பயத்தினை உண்டாக்குகின்ற அணுகுமுறையைத் தவிர்ப்போம்.

IV வாடிக்கையாளர்களின் தகவல் பாதுகாப்பு:
                                  வாடிக்கையாளர்கள் பற்றிய தனிப்பட்ட தகவல்களை கீழ்க்கண்ட சூழ்நிலைகளைத் தவிர மற்றபடி மிகவும் ரகசியமாக பாதுகாத்திடுவோம்.
                                  வாடிக்கையாளரிடம் தகவலுக்கான சூழ்நிலையைக் கூறி அனுமதி பெற்று அவரினைப் பற்றிய தகவல்களை வெளிப்படுத்துவோம். இதனைச் சட்டப்படி செய்திடுவோம்.
                                  வாடிக்கையாளர் பற்றி தகவல் கேட்பவர் வாடிக்கையாளரால் அங்கீகரிக்கப்பட்ட நபராக இருத்தல் வேண்டும என்பதை உறுதி செய்திடுவோம்.
                                  இந்நடைமுறை அனைத்து நிதி நிறுவனங்களிலும் ஒரு வழக்கமாக உள்ளது மற்றும் சில முக்கியமான குழுக்களுக்கு (கடனுதவி சம்மதமான குழு போன்ற) பரஸ்பர அடிபபடையில் தகவல்கள் வழங்கப்படுகின்றன.

2.2.5 வாடிக்கையாளர்களுக்கான நிதிக்கல்வி மற்றும் எழுத்தறிவு:
                                  வாடிக்கையாளர்களுக்கும் நமக்கும் நிதி சம்மந்தமான தொடர்புகளில் உள்ள வாய்ப்புகள் தேர்வுகள் மற்றும் பொறுப்புகளைப் பற்றிய விழிப்புணர்வை ஏற்படுத்துவோம்.
                                  எங்களுடைய கொள்கைகள் மற்றும் செயல்முறைகளை பற்றி வாடிக்கையாளர்களுக்கு தகவல்களை அளிப்பதன் மூலம் அவர்கள் தங்களுக்கு வேண்டியவற்றை தேர்வு செய்யவும் முடிவு எடுக்கவும் உதவுவோம்.
                                  வாடிக்கையாளர்களின் விழிப்புணர்வு மற்றும் புரிதலை உள் தணிக்கை முறையின் ஒரு பகுதியாகவோ அல்லது இதர வழக்கமான கண்காணிப்பு முறைகளிலோ உறுதி செய்யவோம்

2.2.6 போட்டி
                                  எங்கள் சேவை பகுதியில் செயல்படும் இதர குறுநிதி நிறுவனங்களோடும் அல்லது நாங்கள் செயல்பட திட்டமிடப்பட்டுள்ள பகுதிகளில் உள்ள குறுநிதி அமைப்புகளோடும் நல்லதொரு கலந்துரையாடலை வளர்த்திடுவோம்.
                                  பிற குறுநிதி நிறுவனத்தைச் சார்ந்த வாடிக்கையாளர்களுக்கு கடனுதவி வழங்கும்பொழுதோ அல்லது அவர்களின் பணியாளர்களை எங்கள் நிறுவனப்பணிக்குத் தேர்வு செய்யும் பொழுதோ நியாயமான நேர்மையான முறைகளைக் கையாளுவோம்.
                                  அதிகப்படியான குறுநிதி நிறுவனங்கள் பணிபுரிகின்ற இடங்களை விடுத்து எவரும் சேவையாற்றாத மற்றும் சேவை போய்ச் சேரவேண்டிய பகுதிகளைக் கண்டறிந்து விரிவுபடுத்த முயற்சிப்போம்.

2.2.7 பின்னூட்டம் (Feed Back) குறைதீர்க்கும் செயல்முறை:
                                  வாடிக்கையாளர்களிடமிருந்து வரக்கூடிய புகார்கள் மற்றும் பரிந்துரைகளைக் கையாளுவதற்கு தனிப்பட்ட அதிகாரி ஒருவரை நியமித்து அவரை எளிதில் அணுகுவதற்கு அவருடைய தொடர்பு எண்ணினைவாடிக்கையாளர்களுக்குத் தெரியப்படுத்திடுவோம்.
                                  புகார்களைப் பெற்று அவற்றை வேகமாகவும் திறனாகவும் கையாண்டு அத்தவறுகளைச் சரிசெய்வதற்கான வழிமுறைகளைக் கொண்ட குறைதீர்க்கும் முறைகளை நிறுவிடுவோம்;.
                                  எங்களது குறுநிதி நிறுவனத்திலிருந்து வெளியேறும் வாடிக்கையாளர்களின் விகிதத்தை கண்காணித்து இது தொடர்பாக அடிக்கடி கணக்கெடுப்பு நடத்தி அவர்களின் வெளியேற்றத்திற்கான காரணங்களை கண்டறிந்திடுவோம்.

பகுதி – III

கடன் செயல்முறைகள் விளக்கம்
1.1 கடன்
                                  ஒருவர் விஎம்எல் கடன் பெறுவதன் நோக்கம்: விவசாயம்இ சிறு வியாபாரம் சேவைத் தொழில்
                                    மற்றும் உற்பத்தி சார்ந்த சிறு மற்றும் குறு வருவாய் பெருக்கும் தொழிலில் ஈடுபட.
1.2 கடன் பெறுவதற்கான தகுதி:
                                  கூட்டு பொறுப்பு குழுவில் அங்கத்தினராக இருத்தல் வேண்டும்.
                                  கடன் வழங்கும் முன் நடத்தப்படும் பயிற்சிகள், குழுத்தேர்வு கூட்டத்தில்
                                   கண்டிப்பாக கலந்து கொள்ள வேண்டும்.
                                  மையக் கூட்டங்களில் கண்டிப்பாக கலந்து கொள்ள வேண்டும்
                                  மைய உறுப்பினர்கள் ஒருவரையொருவர் நன்கு அறிந்தவர்களாகவும் பண விசயத்தில் ஒருவருக்கொருவர்
                                    பொற்பெடுத்து கொள்பவராகவும் இருக்க வேண்டும்
                                  வயது 18 க்கு மேல் 60 க்குள் இருத்தல் வேண்டும்.
                                  கூட்டுப் பொறுப்பு குழுவில் உறுப்பினராக உள்ள பெண்களுக்கு மட்டும் கடன். கடனுக்கு
                                    கணவர் கண்டிப்பாக ஜாமின் அளித்தல் வேண்டும்.
                                  விருட்சம் மைக்ரோ பைனான்ஸ் நிறுவனத்தின் கடன் உட்பட 2 நிறுவனங்களில் மட்டுமே
                                    கடன் பெற்றிருக்க வேண்டும்.
                                  மொத்த கடன் நிலுவைத் தொகை ரூ.1 இலட்சத்திற்கு குறைவாக இருக்க வேண்டும்.

1.3 தற்போது நிறுவனத்தில் வழங்கப்படும் கடன் தொகை விபரங்கள்


கடன் சுற்று முதல் சுற்றுக்கடன் இரண்டாம் சுற்றுக்கடன் மூன்றாம் சுற்றுக்கடன் நான்காம் சுற்றுக்கடன்
கடன் தொகை 20,000 30,000 40,000 50,000
கடன் தவணைக் காலம் 12 மாதங்கள் 18 மாதங்கள் 24 மாதங்கள் 24 மாதங்கள் 24 மாதங்கள்
மாதத் தவணைத்தொகை Rs. 1,890/- Rs. 2,000/- Rs. 2,115/- Rs. 2,645/- Rs. 3,170/-
வட்டி விகிதம் (கடன் நிலுவைத் தொகையில்) 24 % 24 % 24 % 24 % 24 %
ஆவணக்கட்டணம் Rs. 236/- Rs. 354/- Rs. 472/- Rs. 590/- Rs. 708/-
காப்பீடு பிரிமியம் (கடன் பெறுபவர் மற்றும் கணவர் (ஜாமின்தாரர்) இருவருக்கும் Rs. 154/- Rs. 462/- Rs. 616/- Rs. 770/- Rs. 924/-
காப்பீடு காலம் 1 வருடம் 2 வருடங்கள் 2 வருடங்கள் 2 வருடங்கள் 2 வருடங்கள்


1.4: கடன் பெறுவதற்கான ஆதார படிவங்கள் மற்றும் ஆவணங்கள்:
                                கடன் பெறுவதற்கான சம்மந்தப்பட்ட படிவங்கள் முன்னரே அச்சிடப்பட்டுள்ளது. இதில் கடன் பெற விரும்புவோரின் விண்ணப்பமனு மற்றும் உத்திரவாதம் அளிப்பவரின் கடிதம்இ கடன் பெறுகின்றவர் மற்றும் உத்திரவாதம் அளிப்பவர் இணைந்து உறுதியளிக்கும் கடிதம் பிராமிசரி நோட் மற்றும் கடன் பெற்றவர் கடன் தொகை பெறப்பட்டதற்கான இரசீது ஆகியவை அடங்கும். இவை தவிர முகவரி மற்றும் அடையாள சான்று இணைக்க வேண்டும்.

1.5 கடன் விண்ணப்பம் / கடன் வழங்க அனுமதி / கடன் வழங்கியது சம்மந்தமான பதிவேடு:
                                 விருட்சம் மைக்ரோபைனான்ஸ் நிறுவனத்தின் ஒவ்வொரு கிளையிலும் கடன் விண்ணப்பம் / கடன் வழங்க அனுமதி அளித்த கடிதம் / கடன் வழங்கப்பட்டது சம்மந்தமான விபரங்கள் பதியப்பட்ட பதிவேடு பராமரிக்கப்பட வேண்டும். கடன் அனுமதியளிக்கப்பட்ட கோப்புகள் மற்றும் கடன் வழங்கும் போது பெறப்பட்ட கடன் ஆவணங்கள் அனைத்தும் தலைமையகத்தில் பராமறிக்கப்படும்

1.6 கடன் விண்ணப்பமனு கீழ்கண்ட விபரங்களை உள்ளடக்கியதாக உள்ளது:
                                  கிளையின் பெயர்: கடன் வழங்கும் கிளை அலுவலகத்தின் பெயர் குறிக்கப்பட வேண்டும். கிளை அலுவலக முத்திரையிடப்பட வேண்டும்.
                                  கடன் விண்ணப்ப தேதி: கடன் விண்ணப்பத்தை பூர்த்தி செய்து கிளை அலுவலத்தில் சமர்ப்பிக்கும் தேதியை கடன் விண்ணப்பத்தில் குறிப்பிட வேண்டும். கடன் விண்ணப்பம் பெற்றுக்கொண்டதற்கான ஒப்புகை சீட்டு ஒவ்வொரு வாடிக்கையாளருக்கும் வழங்கப்படும். மேலும் கடன் மனு மீதான பரிசீலனை முடிவு கடன் மனு பெற்றுக்கொண்ட நாளிலிருந்து 7 நாட்களுக்குள் தெரிவிக்கப்படும்.
                                  கடன் பெற வேண்டுபவர் மற்றும் ஜாமின் அளிப்பவர் பெயர்: கடன் பெறும் நபரின் பெயர் மற்றும் ஜாமின் அளிப்பவர் பெயர் விண்ணப்பத்தில் எழுதப்பட வேண்டும்.
                                  ஜாமின் அளிப்பவர்: மனைவி பெறும் கடனுக்கு கணவர் ஜாமின் அளித்தல் வேண்டும். 35 வயதிற்கு மேற்பட்ட திருமணமாகாத பெண்கள்இ விதவைகள்இ கணவனை பிரிந்து வாழும் பெண்கள் போன்றவர்களுக்கு கடன் பெறுபவரின் குடும்பத்திலுள்ள வருமானம் ஈட்டும் 18 வயதிற்கு மேற்பட்ட இதர உறுப்பினர்கள் ஜாமின் அளிக்கலாம். ஜாமின் அளிக்க தகுதியான குடும்ப உறுப்பினர்கள் இல்லாத பட்சத்தில் ஒரு மையத்திற்கு ஒருவர் என்ற வீதத்தில் மையத்தலைவி ஜாமின் அளிக்கலாம்.
                                  தந்தை / கணவர் பெயர்: திருமணமாகாதவர்கள் தந்தை பெயரினையும் திருமணமானவர்கள் தகப்பன் மற்றும் கணவரின் பெயரினையும் எழுத வேண்டும்.
                                  முகவரி: கடன் பெறுவரின் அஞ்சல் முகவரி விண்ணப்பத்தில் எழுதப்படும் பொழுது சம்மந்தப்பட்ட நபரின் வீட்டின் பெயர் / எண் தெருவின் பெயர் மாவட்டம் மற்றும் அஞ்சல் குறியீட்டு எண் ஆகியவற்றை உள்ளடக்கியதாக இருத்தல் வேண்டும்.

கடன் தொகை :
குழு உறுப்பினர் கோரும் கடன் தொகையை விண்ணபத்தில் குறிப்பிட வேண்டும். தொகையானது எண்ணாலும் எழுத்தாலும் விண்ணப்பத்தில் எழுதப்ட வேண்டும்.

கடனுக்கான நோக்கம்:
கடன் பெறுபவர் இக்கடன் தொகையை எந்த நோக்கத்திற்காக பயன்படுத்த போகின்றார் என்பதை கடன் விண்ணப்பத்தில் குறிப்பிட வேண்டும்

கடன் பெற விண்ணப்பிப்பவர் மற்றும் ஜாமின் அளிப்பவரின் பெயர் / கையெழுத்து:
கடன் பெற விண்ணப்பித்தவர் மற்றும் கடனுக்கு ஜாமின் அளிப்பவரின் பெயர் மற்றும் கையெழுத்து அவ்விண்ணப்பத்தில் கட்டாயமாக இருத்தல் வேண்டும்.

குழுஉறுப்பினர்களின் உத்திரவாதம்:
குழு உறுப்பினர் ஒருவர் பெறும் கடன் தொகைக்கு ஏனைய உறுப்பினர்கள் உத்திரவாதம் அளிக்க வேண்டும்.

கடன் விண்ணப்பங்களை வரிசைப்படுத்துதல்:
ஒவ்வொரு சுய உதவிக்குழுவிடமிருந்து வரும் கடன் விண்ணப்ப மனுக்களை எண்களால் வரிசைப்படுத்துதல் வேண்டும்.

உங்கள் வாடிக்கையாளரை அறிந்துகொள்ள(KYC) உதவும் ஆவணங்கள:
அம்சங்கள்
1.தனிநபர் கணக்குகள்
2.சட்ட பூர்வமான(அதிகாரபூர்வமான) பெயர் மற்றும் அழைக்கப்படும் இதர பெயர்கள்
3.சரியான நிரந்தர முகவரி

ஆவணங்கள்
1. ஆதார் அட்டை கட்டாயம்.
2. குடும்ப அட்டை
3. வாக்காளர் அடையாள அட்டை
4. பாஸ்போர்ட்
5. பான்கார்டு
6. ஓட்டுனர் உரிமம்
7. தொலைபேசி கட்டண ரசீது
8. வங்கி கணக்கு விபர அறிக்கை
9. மின்கட்டண ரசீது

1.7 கடன் விண்ணப்பங்களை ஏற்றுக் கொள்ளுதல்:
கடன் விண்ணப்பமனு பெற்றுக்கொள்வதன் அடையாளமாக அப்படிவத்தில் அடியில் கொடுக்கப்பட்டுள்ள ஒப்புகை சீட்டினை தேதி மற்றும் முத்திரையட்டு கொடுத்திடல் வேண்டும்.

2. கடன் பயனாளிகள் தேர்வு மற்றும் கூட்டு பொறுப்பு குழுக்களை அமைத்தல்.

2.1 கடன் விபர சிறு கூட்டம் மற்றும்; உறுப்பினர் விபரத்ததை களப்பனியாளர் சரிபார்த்தல்:
கடன் தேவையுள்ள குறைந்தது 8 முதல் 16 உறுப்பினர்களைக் கண்டறிந்து கம்பெனியின் களப்பணியாளர் கம்பெனியின் கடன் திட்ட விபரங்களை சிறு கூட்டம் வழியாக அறிவிப்பார். கடன் தேவையுள்ளோர் களப்பணியாளரிடம் தங்களது முகவரி சான்றுஇ அடையாள சான்று மற்றும் வங்கி கணக்கு புத்தகத்தின் முதல் பக்க நகல் போன்றவற்றை அளிப்பர். இவற்றை பெற்றுக்கொண்ட களப்பணியாளர் உறுப்பினர் ஒவ்வொருவரின் வீட்டிற்கும் சென்று உறுப்பினர் அளிக்கும் விபரங்களை சரிபார்த்து கடன் விண்ணப்பத்தை பூர்த்தி செய்வார். கடன் பெறுபவர் மற்றும் ஜாமின் அளிப்பவர் இருவரிடமும் கடன் விண்ணப்பத்தில் கையொப்பம் பெறுவார். கடன் விண்ணப்பத்தில் உறுப்பினர் மற்றும் ஜாமின் அளிப்பவர் இருவரும் இணைந்து எடுத்த போட்டோ ஒட்டப்படும்.

2.2 கடன் தகுதி சரிபார்த்தல்
பூர்த்தி செய்யப்பட்ட விண்ணப்பங்களை களப்பணியாளர் கிளை அலுவலகத்தில் அளித்திடுவர். கிளை கடன் அலுவலர் உறுப்பினர்களின் கடன் தகுதியை கடன் விபரம் அளிக்கும் கம்பெனியான "கிரிப் ஹை மார்க்" இடமிருந்து பெற்று கடன் பெற தகுதியான உறுப்பினர்கள் பெயரை இறுதி செய்வார். இந்திய ரிசர்வ் வங்கியின் விதிமுறைப்படி 2 குறுநிதி கடன் நிறுவனங்களுக்கு மேல் ஒரு உறுப்பினருக்கு கடன் வழங்க கூடாது. உறுப்பினரின் மொத்த கடன் நிலுவைத் தொகை ரூபாய் ஒரு இலட்சத்திற்கு மேல் இருக்க கூடாது. மேற்கண்ட விதிமுறைகள் மற்றும் ஏற்கெனவே பெற்ற கடன்களை உறுப்பினர் கடன் திருப்பி செலுத்தும் அட்டவணைப்படி செலுத்தியுள்ளாரா என்பவற்றை பரிசீலித்து கடன் பெற தகுதியான உறுப்பினர்களின் பட்டியலை கிளை கடன் அலுவலர் இறுதி செய்திடுவார். விதிமுறைகளின் படி கடன் பெற தகுதியற்றவரின் கடன் மனு சம்பந்தப்பட்டவரிடம் திருப்பி அளிக்கப்படும்.

2.3 உறுப்பினர் விபரத்ததை கிளை கடன் அலுவர் சரிபார்த்தல்:
கடன் பெறத்தகுதியான உறுப்பினர்களின் வீடுகளை கடன் அலுவர் சந்தித்து உறுப்பினர்கள் கடனை திருப்பி செலுத்தும் தகுதி உள்ளதா என்பதை உறுப்பினர் மற்றும் அவரது குடும்ப உறுப்பினர்கள் வருமானம் மற்றும் குடும்ப செலவினங்கள்இ ஏற்கெனவே பெற்றுள்ள கடனுக்கான தவணைத்தொகை போன்றவற்றை கணக்கிட்டு முடிவு செய்வார். மேலும் உறுப்பினர் அப்பகுதியில் குடியிருந்து வரும் காலம்இ உறுப்பினர்களின் முகவரி சான்று மற்றும் அடையாள சான்று நகல்களை உண்மை ஆவணங்களுடன் ஒப்பிட்டு சரிபார்த்திடுவார்.

2.4 கட்டாய குழுப்பயிற்சி:
கடன் அலுவலர் சரிபார்ப்புக்கு பின் குறைந்த பட்சம் 8 உறுப்பினர்கள் இருந்தால் அவர்களை கொண்டு கூட்டுப் பொறுப்புக்குழுக்கள் மற்றும் மையத்தினை களப்பணியாளர் அமைத்திடுவார். 4 உறுப்பினர்கள் கொண்ட ஒவ்வொரு கூட்டு பொறுப்பு குழுவிற்கும் குழுத்தலைவியும் 2 க்கு மேற்ப்ட்ட கூட்டு பொறுப்பு குழுக்களை ஒருங்கிணைத்து மையம் அமைத்து மையத்தலைவியும் தெரிவு செய்யப்படுவர். அவ்வாறு அமைக்கப்பட்ட மைய உறுப்பினர்களுக்கு களப்பணியாளர் தொடர்ச்சியாக 2 நாட்கள் நிறுவன கடன் திட்ட விபரம்இ கடன் தொகைஇ வட்டி விபரம்இ தவணைக்காலம்இ தவணைத் தொகைஇ கூட்டு பொறுப்புக்குழு தலைவிஇ மையத் தலைவி மற்றும் உறுப்பினர்களின் பொறுப்புகள்இ கடமைகள்இ மையக்கூட்ட விதிமுறைகள்இ காப்பீடு திட்டம்இ சேமிப்பின் முக்கியத்துவம் போன்றவற்றை பற்றி நிதிப் பயிற்சி அளித்திடுவார். இந்த 2 நாட்கள் பயிற்சியில் உறுப்பினர்கள் கட்டாயம் கலந்து கொள்ள வேண்டும். கலந்து கொள்ளாத உறுப்பினர்களின் கடன் விண்ணப்பம் நிராகரிக்கப்படும்.

2.5 குழு அங்கிகாரத் தேர்வு
கட்டாய குழப்பயிற்சி நிறைவு பெற்ற மையங்களை கிளை மேலாளர் சந்தித்து உறுப்பினர்கள் கடன் திட்டத்தை சரியாக புரிந்து கொண்டுள்ளனராஇ கூட்டு பொறுப்பு குழு தத்துவம்இ தலைவி மற்றும் உறுப்பினர்களின் கடமைகள் மற்றும் பொறுப்புகளை புரிந்து கொண்டுள்ளனராஇ உறுப்பினர்கள் ஒருவருக்கொருவர் கடன் திருப்பிச் செலுத்தும் பொறுப்பினை ஏற்றுக்கொள்கின்றனராஇ மையக் கூட்ட விதிமுறைகளை அறிந்துள்ளனராஇ காப்பீட்டு திட்டத்தினை அறிந்துள்ளனரா என்பனவற்றை பரிட்சித்துப் பார்ப்பார். இத் தேர்வில் 75 மதிப்பெண்களுக்கு மேல் மதிப்பெண் பெறும் மையம் கடன் பெறத் தகுதியானதாகும்.

2.6 கடன் மனு இறுதி பரிசீலணை மற்றும் கடன் ஒப்புகை அளித்தல்:
குழு அங்கிகாரத் தேர்வில் தேர்ச்சி பெற்ற மைய உறுப்பினர்களின் கடன் விண்ணப்பங்கள் தலைமை அலுவலகத்திற்கு கிளை மேலாளரால் கடன் ஒப்புகைக்காக அனுப்பி வைக்கப்படும்.

கடன் மனு சரிபார்த்தல்:
தலைமை அலுவலகத்தில் கடன் மனுக்கள் மற்றும் அத்துடன் இணைக்கப்பட்ட ஆவணங்கள் அனைத்தும் சரியாக உள்ளதா என்பது மீண்டும் ஒருமுறை சரிபார்க்கப்படும்.

தொலை பேசி வழியாக உறுப்பினர்கள் விபரம் சரிபார்த்தல்:
கடன் மனுக்குள் சரியாக இருப்பின்இ உறுப்பினர்களை தொலை பேசியில் தொடர்பு கொண்டு கடன் மனுக்கள் முறையாக பரிசீலணைக்குட்படுத்தப்பட்டுள்ளதாஇ கடன் பெறுவதற்காக உறுப்பினர்கள் யாருக்கேனும் கையூட்டு அல்லது அன்பளிப்பு அளித்துள்ளனரா உறுப்பினர் உரிய நோக்கத்திற்கு கடன் தொகையை பயன் படுத்துவாரா என்பவை சரிபார்க்கப்படும்.

கடன் மனுக்களை கணிணியில் ஆவணப்படுத்தல்:
சரியாக உள்ள கடன் உறுப்பினர்களின் விபரங்கள் மற்றும் மையத்தின் விபரங்கள் கணிணியில் ஆவணப்படுத்தப்படும்.

கடன் ஒப்புகை வழங்கல்:
கணிணியில் ஆவணப்படுத்தப்பட்ட உறுப்பினர்களுக்கு தலைமை அலுவலகத்தில் கணிணி வழியாக கடன் ஒப்புகை வழங்கப்பட்டு விபரம் கிளைகளுக்கு இமெயில் வழியாக தெரிவிக்கப்படும்.

2.7 கடன் வழங்குதல்
விருட்சம் மைக்ரோபைனான்ஸ் கிளை அலுவலகத்தில்தான் குழு உறுப்பினர்களுக்கு கடன் உதவி வழங்குதல் வேண்டும். சில நேரங்களில் தலைமை அலுவலகத்திலிருந்து வேறு இடத்தில் வைத்து கடனுதவி வழங்குமாறு அறிவுறுத்தினால் அதன்படி செயல்படுத்தலாம். கடன் வழங்குதல் கிளை மேலாளர் மற்றும் கடன் அலுவலர் முன்னிலையில் நடைபெற வேண்டும் அல்லது கிளை மேலாளர் அவர்களால் அங்கீகரிக்கப்பட்ட நபர் முன்னிலையில் நடைபெற வேண்டும். கிளை மேலாளர் வேறு யாரையாவது கடன் வழங்க அங்கீகரிக்கும்பொழுது அதனை தலைமை அலுவலகத்திற்கு எழுத்து மூலமாக தெரிவித்து ஒப்புதல் பெற வேண்டும்.

3. கடன் ஒப்பந்தப்பத்திரம்
கடன்பெறும் மைய உறுப்பினர்கள் அனைவரும் கூட்டாக ஜாமின் அளிக்கும் நபருடன் கிளை அலுவலகத்திற்கு வரவேண்டும். கடன் பெறுபவர் மற்றும் உத்திரவாதம் அளிப்பவர் ஆகிய இருவரும் இரசீது புத்தகம் மற்றும் பிராமிசரி நோட்டில் கையெழுத்தி;ட வேண்டும். பிராமிசரி நோட்டில் ஒரு ரூபாய் ரெவின்யூ ஸ்டாம்ப் ஒட்டப்பட வேண்டும். கூட்டு பொறுப்பு குழு உடன்படிக்கை ஆவணத்தில் அனைத்து உறுப்பினர்களும் கையொப்பமிடவேண்டும். அனைத்து உறுப்பினர்களுக்கும் கணிணியில் பிரின்ட் எடுக்கப்பட்ட கடன் அட்டை அலுவலகம் வழங்கப்படும். கடன் ஒப்பந்த பத்திரம் இதர படிவங்கள் மற்றும் ஏனைய இணைப்புகளை கடன் பெறும் நபர் ஒவ்வொருவருக்கும் கடன் வழங்க ஒப்புதல் தரும்பொழுதோ கடன் அளிக்கும் பொழுதோ காண்பித்து அவற்றில் உள்ள விபரங்களை அவர்களை அறியச் செய்ய வேண்டும். கடனை திருப்பி செலுத்தும் விதம்இ வட்டி விகிதம்இ சேவைகட்டணம்இ செலுத்த வேண்டிய தவணைத் தொகை மற்றும் ஏனையவற்றில் ஏதேனும் மாற்றம் ஏற்படின் அதனை; கடன் பெற்ற நபர்களுக்கு உடனுக்குடன் தெரிவிக்க வேண்டும். இதுபோன்ற மாற்றங்களை அறிவிப்புக் கடிதம் வழங்கிய பின்புதான் நடைமுறைபடுத்த வேண்டும்;;. இதனை நடைமுறைப்படுத்த ஃ செயல்படுத்த இருதரப்பினரும் சம்மதித்து கடன் ஒப்பந்தத்தில் மாற்றம் கொண்டுவந்து அம்மாற்றங்களைப் புதிய இணைப்பு ஒப்பந்தமாக எழுதி பழைய ஒப்பந்தத்தோடு இணைத்தல் வேண்டும்.

4. மையக் கூட்டமும் கடன் தவணைத் தொகை வசூலிக்கும் முறையும்: குழு உறுப்பினர்கள் அனைவரும் குறிப்பிட்ட தேதிஇ நேரம்இ இடத்தில் நடைபெறும் மையக் கூட்டத்தில் கட்டாயமாக கலந்து கொண்டு தவணைத் தொகையை செலுத்த வேண்டும். களப்பணியாளர் கூட்டத்தை நடத்துவார். உறுப்பினர்கள் யாரேனும் மையக் கூட்டத்தில் கலந்து கொள்ள முடியாத சூழ்நிலை ஏற்படின் முன்னதாகவே மையத் தலைவியிடம் தெரிவித்து தவணைத் தொகையை செலுத்திட வேண்டும.; ஏதேனும் உறுப்பினர் குழுக்கூட்டத்தில் கலந்து கொள்ளாவிட்டால் மேற்படி உறுப்பினர் செலுத்த வேண்டிய தவணைத் தொகையை இதர உறுப்பினர்கள் பகிர்ந்து செலுத்தவேண்டும். செலுத்திய தவணைத்தொகைக்கு களப்பணியாளர் இரசிது அளித்திட வேண்டும். மேலும் கடன் அட்டையில் செலத்திய தவணைத் தொகையை வரவு வைத்து கொடுத்திடுவார்.

5. செலுத்தி முடித்த கடன்:
குறுநிதிக் கடன் வகைக்கு பிணையம் ஏதும் பெறப்பட மாட்டாது. குறுநிதிக் கடன் வகை தவிர இதர வகை கடன வகையில்; கம்பெனிக்கு வரவேண்டிய வேறுவகையான பாக்கிக்காக பிணை சொத்தினை பிணையாக குறிக்காத பட்சத்தில் கடன் முழுவதையும் திரும்ப செலுத்தியவுடன் பிணை சொத்து திரும்ப கொடுக்கப்படும். அப்படி பிணைச் சொத்தினை வேறு வரவேண்டிய பாக்கிக்காக சரிசெய்யும் பட்சத்தில் அது பற்றிய முழுவிபரமும் மற்றும் எந்த அடிப்படையில் பிணை சொத்தினையும் அந்த பாக்கி வசூலாகும்வரை எப்படி தக்கவைத்துக் கொள்கிறது என்ற விபரத்தையும் தெரிவிக்க வேண்டும்.

6. பொது
கடன் பெறும் நபர் வாங்கிய கடனிற்கான ஒப்பந்தத்தில் உள்ளபடி செயல்படும் பொழுது கம்பெனி தரப்பில் எந்த குறுக்கீடும் இருக்காது. ஆனால் கடன் பெறும் நபர் ஏதாவது தகவலை முன்னரே மறைத்து பின்னர் அந்த தகவல் புதியதாக தெரியவந்தால் கம்பெனியானது அதைக் குறித்து விசாரிக்கும்.

கடன் பெற்ற நபர்கள் கடன் சம்மந்தமாக ஏதாவது கடன் தொகை கணக்கில் ஏதாவது மாற்றம் ஏற்படுத்த வேண்டி கடிதம் கொடுத்தால் அதற்கு கம்பெனியானது 21 நாட்களுக்குள் மேற்படி நபர்களுக்கு பதில் தெரிவித்தல் வேண்டும். இவ்வகை மாற்றமானது சட்டத்தில் கூறியுள்ளபடி நடைமுறைப்படுத்தப்பட வேண்டும்.

கடன் திருப்பி வசூலித்தலில் கம்பெனியானது எவ்வித வன்செயல்களிலும் வீணான பிரச்சணைகளிலும்இ உடல் பலத்தை பயன்படுத்துதல் குறித்த சரியான நேரம் என்றில்லாமல் கண்ட நேரங்களிலும் தொந்தரவு செய்தல் போன்ற முறைகளை கம்பெனி கையாளுதல் கூடாது.

7. குறைதீர்க்கும் வழிமுறைகள்:
கம்பெனி செயல்பாடுகள் சம்மந்தமாக குறைபாடுகள் ஏதேனும் கடன் பெறும் நபர்களால் கண்டறியப்பட்டால் அதனை கம்பெனியின் குறை தீர்க்கும் அதிகாரிக்கு கடிதம் போன் அல்லது மின்னஞ்சல் மூலம் தெரிவிக்க வேண்டும். இந்த விபரமானது கட்டாய குழுப்பயிற்சி குழுத்தகுதித் தேர்வு மற்றும் கடன் வழங்கும் நாள் போன்ற தினங்களில் உறுப்பினார்களுக்கு தெரிவிக்கப்படும்.

வாடிக்கையாளர் சேவை மையம்:
வாடிக்கையாளர்களின் கடன் அட்டையில் குறிக்கப்பட்டுள்ள கீழ்க்கண்ட தொலைபேசி எண்களில் வாடிக்கையாளர்கள் தங்கள் குறைகளை வாடிக்கையாளர் சேவை மைய பணியாளர்களிடம் தெரிவிக்கலாம்.

தொலைபேசி எண்கள்: 9843656014 அல்லது 9843656017 அல்லது 0452-2092109.

வாடிக்கையாளர் குறைதீர்க்கும் அதிகாரி:
வாடிக்கையாளர் சேவைமைய பணியாளர்களின் சேவை திருப்தியளிக்காவிடில் அல்லது சரியான தகவல்கள் 3 சேவை நாட்களுக்குள் பெறப்படாவிட்டால் கம்பெனியின் கீழ்கண்ட குறைதீர்க்கும் அதிகாரிக்கு எழத்து பூர்வமாக தெரிவிக்க வேண்டும்.

பொது மேலாளர் விருட்சம் மைக்ரோபைனான்ஸ் லிமிடெட்
எண்: C -50 , குருதேவ்நகர், அவனியாபுரம் பைபாஸ் ரோடு
மதுரை - 625012.
தொலை பேசி: 9443308315.
மின்னஞ்சல் முகவரி: gm@virutcham.org

கடிதம் பெறப்பட்ட நாளிலிருந்து ஏழு நாட்களுக்குள் அது சம்மந்தமான நடவடிக்கைகளை துரிதப்படுத்தி செயல்படுத்த வேண்டும். குறை தீர்க்கும் கடிதங்கள் தொடர்பாக மேற்கொள்ளப்பட்ட நடவடிக்கைகளை அறிக்கையாக தயார்செய்து ஒவ்வொரு காலாண்டிலும் கம்பெனியின் நிர்வாக அமைப்பிற்கு சமர்பித்தல் வேண்டும்.

விருட்சம் மைக்ரோபைனான்ஸ் நிறுவனத்திற்காக
திரு. சார்லஸ் செல்வராஜ்
இயக்குனர் மற்றும் முதன்மை செயல் அதிகாரி.